To dat 50-jahrig Jubiläum gifft dat in dat Hotel Alantik en Jubiläumsangebood

Börkum. In dat Jahr 1974 is dat Hotel Atlantik haast direkt an de Börkumer Bahnhoff openmaakt worden, blot een Steenschööt weg van de Hauptstrand mit de groot Keierpadd. „Wi hebben en heel Bült Stammgasten, man de meeste Eilandleevhebbers komen ut Nordrhein-Westfalen“, seggt Hotelier Volkmar Vogel, de dat Hotel an de 1. Februar 2003 van de Familie Meyer-Gerhard overnohmen hett.

Stück för Stück wurr dat Traditionshotel anno 1895 renoveert, domaals heedte dat noch Hotel Landsberg. Passend to dat 50-jahrig Jubiläum wurr de leste Etage van in ‘t Geheel dree Stockwarken renoveert. All 57 Kamers hebben en slicht Utstafferen mit to en Bispill Tapeten, de bronzefarven of in de Eilandfarven blau un sand hollen sünd. In ‘t Geheel hebben de Kamers för de Gasten Seeblick. Dat gifft ok Familienkamers un Kamers för Gasten mit Hund. För de Regendagen sünd de Kamers mit LED-Technik, W-LAN un en groot Kiekkast utstatt.

Unner dat Motto „Wi halen Hör de Noordsee in dat Hotel“ is de Hauptstrand mit de traditionelle Melkhuuskes, de groot Keierpadd mit de Strandgastronomie, de Kurmusik un mit Sport un Pläseer för groot un lüttje Gasten en groot Besünnerheid. „Wi hebben heel toll Gasten, un daar sünd wi glückelk over“, betoont Hotelbetriebswirt Volkmar Vogel, de dat heel Jahr – buten de Wiehnachtsfierdagen – open hett. Daarto hören ok en Bült oller Gasten de avends geern in de Lobby-Bar en Glas Beer of Wien drinken, de de Grootbild-Kiekkast för Sportoverdragens bruken of in dat Börkumer Dagbladd of in dat Emder Dagbladd bladern. Ok Busgesellskuppen hören to de regelmatig Urlaubsgasten, nettso Lüü de wegen hör Beroop reisen. In enig Hotelkamers gifft dat sogaar Schrievdisken.

Fort- un Wiederbilden word grootschreven

Wi hebben för dat Schoonmaken van de Kamers un för de Köken fast Stammpersonaal, de siet over 10 Jahr hier arbeiden“, betoont Vogel, de ok Lidd van de IHK-Vullversammeln Emden is. Sien Dochter Jorina hett Hotelfackfroo in dat Strandhotel Hohenzollern up Börkum lehrt un arbeidt siet haast fiev Jahr an de Anmellen. Ok de utbildt Hotelfachfroo Petra Weber is siet over 15 Jahr an de Anmelltresen un is de „good Seel“ in dat familiär föhrt Middelklasshotel. Regelmatig Unnerricht un DeHoGa-Wiederbildens stahn up de Dagsörder.

Wi hebben en Bült Hotelfacklüü utbildt. Uns Lehrjung John Lucas hebben wi overnohmen“, informeert de 55-jahrig Chef. In dat ansloten Restaurant Delfter Stuben hett John Lucas de gastronomisch Utbildungsandeel maakt.

Ok de klassisch Kamerreinigung word bit up een Urlaubsdag elke Dag maakt. „Uns Gasten is dat wichtig, dat de Kamers regelmatig schoonmaakt worden. Handdoken un Beddwaske hören to de Overnachtungspries nettso as en smakelk Fröhstücksbuffet. Butendeem könen oller Gasten umsünst en Rolator kriegen.

Familien, enkelt Reisenden, Koppels un oller Eilandleevhebbers treckt dat alltied weer up de „Insel mit Hochseeklima“. Mehr Informationen ok unner www.hotelatlantik.de

Bild zweisp.

Hotelier Volkmar Vogel un Rezeptionistin Petra Weber (links) freien sük up disse Saison un begröten de Gasten to dat 50-jahrig Jubiläum van Harten.

Dieser Text entstand in Zusammenarbeit mit der Ostfriesischen Landschaft, Aurich.

Foto: Inge Meyer