Brandkassen-Geschäftsstee Max Jobus & Team treckt in neei Huus

Moormerland–Veenhusen. De Oostfreeske Landschaftliche Brandkass harr jahrteihndelang hör Versekerungsbüro in de fröher Spaarkass in Veenhusen. Nu is de Baas van de Geschäftsstee, Max Jobus, na mehr Maanten Booarbeiden in neei Rüümten intrucken.

„De Umzug in disse fröher Wohnbungalow hett heel good klappt. Wi sünd in ‘t verleden Jahr mit de Booarbeiden anfungen un hebben nu en lecht un frünnelk Büro.“, verklaarde Max Jobus bi de Dag van de open Döör an d‘ 8. Mai. „Wi hebben vööl sülvst maakt un hebben nu en Grootruumbüro, en Geschäftsstee- un en Butendeenstbüro un ok en Archivruum.“, see Froo Mareike Jobus bi en Rundgang unnern in dat Huus. Ok vanwegen Energiekösten wullen se umtrecken, un to Foot is de neei Geschäftsstee in de Koloniestraat 36 man blot teihn Minüten weg.

Bi de Dag van de open Döör weren mennig Kunnen, Geschäftspartners un Famielje, de de Baas Max Jobus un sien fiev Mitarbeiderskes un Mitarbeiders graleren wullen. „Mennig Lüü weren bi d‘ Sektempfang vörmiddags daar. Man ok namiddags an d‘ Grill wurr ‘n Bült proot.“, so Jobus. „In de neei Rüümten hebben wi noch beter Mögelkheiden, uns Versekerungskunnen persönelk un künnig to beraden.“

Dieser Text wurde in Zusammenarbeit mit der Ostfriesischen Landschaft Aurich erstellt. Von links: Junia Lambertus, Ralf Haferkamp, Tatjana Weber, Geschäftsstellenleiter Max Jobus, Anne Kuiper, Mareike Jobus, Tayana Lessek und Robert Friedel begrüßten die Gäste. Foto: Inge Meyer